Juma Ka Bayan hindi me

juma farze ain hai, is ki farjiyat johar se jiyada mokada hai. iska munkir kafir hai. hadees me hai jis ne teen jume barabar chhod diye usne islam ko peeth ke peeche faink diya wo munafik hai wo allah se be ilaka hai. juma padhne ke liye 6 sharte hai ke agar in me koi shart na payi gayi to juma hoga hi nhi.

Sharaite Juma

1. Misr ya Fanaye Misar.
2. Badshah.
3. Wakte Johar
4. Khutba
5. Jamat
6. Ijane Aam.

Pehli Shart Misr wa Fanaye Misr

misr se wo jagah murad hai jis me mutrad kuche aur bajar ho aur wo jula ya purgina ho ke uske mutallik dihat gine jate ho aur waha koi hakim ho ke apne dabdabe aur sutoot ke sabab se majloom ka insaf jalim se le sake yani insaf par puri kuwat aur kudrat ho agar che na insafi karta aur badla na leta ho.

fanaye misr se wo jagah murad hai jo misr ke aap paas misr ki maslihato ke liye ho jese kabarustan, ghod dor ka maidan, fauj ke rahne ki jagah, kachhari, station ke ye cheeje shahar se bahar ho to fanaye misr me inka shumar hai aur waha juma jaij hai lihaja juma ya shahar me padha jaye ya kasbe me ya inki fana me,

gao me jaij nhi, misar ke liye waha hakim ka rahna jaruri hai agar bator dora waha aa gaya to wo jagah misr na hogi na waha juma kayam kiya jayega. gao ka rehane wala shahar me aaya aur juma ke din yahi rahne ka irada hai to juma farz hai.

Kya shahr me kai jagah Juma ho Sakta Hai ?

Shar me kai jagah juma ho sakta hai chahe shahar chhota ho ya bada aur juma 2 masjido me ho ya jiyada me magar bila jarurat bahut se jagah juma kayam na kiya jaye ke shair-sialm se hai aur juma jamat se hai aur bahut si masjido me hone se wo shokat isami baki nhi rahti jo ijtema me hoti neej dafe haraz ke liye ta-rad jaij rakha gaya hai to khwam kha mohalle mohalle juma kayam karna na chahiye.

Juma kaun Kayam Kar Sakta hai ?

aur aik bahut jaruri bat jis ki taraf logo ko bilkul tawajjo nahi ye hai ke jume ko aur namajo ki tarah samajh rakha hai ki jis ne chahe naya juma kayam kar liya aur jisne chaha padha diya ye na jaij hai isiye ki juma kayam karna badshah e islam ya ese ki naaib ka kam hai aur jaha saltanat islami na ho waha jo sabse bada aalim fakeeh sunni sahi ul akeeda ho wo ahkame shariya jari karne me sultane islam ke kayam mukam hai lihaja wahi juma kayam karaye,

bagair iski ijajat ke nhi ho sakta aur ye bhi na ho to aam log jisko imam banaye lekin aalim ke hote huye awam bataure khud kisi ko imam nhi bana sakti na ye ho sakta hai ke 2-4 shakhs kisi ko imam mukarrar karle is jume kahi se sabit nahi.

Dusari Shart Badshah ka bayan

badshah isse murad saltanat e islam ya ese ka naib hai jisko sultan ne juma kayam karne ka huqm diya sultane aadal ho ya jalim juma kayam kar sakta hai yuhi agar jabardasti badhasha ban baitha yani shar-an isko hake imamat na ho maslan Qaeshi na ho ya or koi shart na ho to ye bhi juma kayam kar sakta hai.

Teesari Shart Wakt ka Byan

juma ka wakt, wakte johar hai yani jo wakt johar ka hai us wakt ke andar juma hona chahiye to agar jume ki namaj me agar che tashheed ke baad asar ka wakt aa gaya to juma batil ho gaya johar ki kaza padhe.

Chauthi Shart Khutbe ka bayan

jume ke khutbe me shart ye hai ki wakt me ho or namaj se pehle ho or esi jamat ke samne ho jo juma ke liye jaruri hai yani ki kam se kam khateeb ke siva teen mard ho aur itni aavaj se ho ke pas wale sun sake agar koi mare mayne na ho to agar jawal se pehle khutba padh liya ya namaj ke bad padha ya tanha padha ya aurato bachho ke samne padha to in sab surato me juma na hua khutba aur namaj me agar jiyada fasile ho jaye to wo khutb kafi nahi.

Panchwavi Shart Jamat hai

yani imam ke ilava kam se kam teen mard hone chahiye warna juma na hoga. agar teen gulam ya teen musafir ya beemar ya gunga ya an padh muktadi ho to juma ho jayega or agar sirf aurate ya bachhe ho to nhi.

Chhati sharte Ijane Aam

iska ye matlab hai ki masjid ka darwaja khol diya jaye taki jis musalman ka ji chahe aaye kisi ki rok tok nhi agar juma masjid me jab log jama ho gaye darwaja band kar ke juma padha to juma na hua, aurato ko agar masjide juma se roka jaye to ijane aam ke khilaf na hoga ke inki aane me khofe fitna hai.

Khutba kisko Kahte hai ?

khutba jikre ilahi ka nam hai lihaja agar sirf aik baar alhamdulilah ya subhanalla kaha to farj ada ho gaya lekin khutbe ko itna mukhtasar karna makrooh hai sunnat ye hai ki 2 khutbe padhe jaye or bade bade na ho, agar dono mil kar tawale mufassil se badh jaye to makrooh hai khususan jade me.