Husane Akhlaq

Hazrate Sayyiduna Abu Usman heeri ko aik dawat me bulaya gaya taki unke akhlaq ki aajmaish ki jaye chunache jab wo tashreef laye to mejban ne andar na jane diya aur kaha ke khana khatam ho chuka hai ye sun kar aap wapis ho gaye, abhi aap thoda hi rasta te kiya tha ke mejban peeche pahuncha aur aapko wapis le aaya,

fir lota diya isi tarah kai baar aap ko bulaya aur fir lota diya, akhir kar mejban aap se mutasir ho hi gaya aur tareefi kalimat uski juban par jari ho gaye, “wakyi aap to aik ajeem jawa mard hai, aap ke akhlak nihayat hi buland hai aur aap to sabar ke pahad hai.”

aap ne us shakhs se inkisaran farmaya, “ye jo kuchh tumne dekha ye to kutte ki adat hai ke jab use bulate hai to wo aa jata hai aur jab dhutkarte hai to wapis ho jata hai bas ye koi kabile kadar baat to nahi.”

Naseeyat is wakye se

pyare pyare islami bhaiyo allah paak ke waliyo ke akhlaqe kareema aur unki ajizi ki aik jhhalak aapne mula-hija farmayi! aaj koi hamare sath ye sulook karke to dikhaye ? hamare to gusse ke mare bura hal ho jaye aur is tarah se hamari be ijjati karne wale ke ham to jani dushman ho jaye magar wali to fir wali hota hai.

itna hu chukne ke baad bhi ajiji ka hal ye hai ke apne is ajeem akhlaqi kar name ko aik kutte ke fail se tashbee de kar shaitan ke aik bahut hi khatarnak war ko nakam kar diya kyunki agar koi hamari tareef kare aur ham fool jaye to ye bhi shaitan ki kamiyabi hai, allah paak shaitan laeen ke shar se bachaye aur husane akhlaq ki dolat ata farmaye ! Ameen Summa Ameen.

Aaqa ka Pasandeeda

har aik ke sath khush ruyi aur khush akhlaqi ke sath pesh ana chahiye ye wo sift hai jiske bare me huzoor e Akram, Noore Mujassam, Sarware Aalam ne irshad farmaya, “bila shuba sab musalmano me sab se jiyada mujhe wo shakhs mahboob hai jiske akhlaq achhe ho.”

Bahatreen Cheej

isi tarah aik shakhs ne bargahe risalat me arj ki, ” ya Rasulullah huzoor ! sab se bahatreen cheej jo allah paak ne insan ko ata farmayi hai wo kya cheej hai ? to aap nabi e rehmat ne irshad farmaya, ” achhe akhlaq.” huzoor nabi e rehmat ne irshad farmaya, ” kiyamat ke din momin ke meejane amal me sab se jiyada vajandar naiki achhe akhlaq honge.”

iske sath hi huzoor nabi e Rehmat ne irshad farmaya ki, ” beshak achhe akhlaq gunaho ko is tarah mita deta hai jis tarah suraj baraf ko pighla deta hai.” Ummum Mu-Mineen hazrate Sayyidtzuna Ayesha Siddiqa se rivayat hai ki Rasule Aajam, Noore Mujassam Shahe bani Aadam ne irshad farmaya, “kya mai tumhe duniya aur aakhirat ke ahmade Akhlaq ke bare me na batao ! wo ye ke jo tum se katan talluk kare tum usse jodo, jo tumhe mahroom kare tum use ata karo aur jo tum par julm kare tum usse dar gujar karo.”

Tashreef Avaree ka Maksad

pyare pyare islami bhaiyo ! hamare pyare Aaqa Madani Makki Mustafa ki tashreef avari ka aik maksad ye bhi hai ke logo ke akhlak aur mua-malat ko durust kare, unke andar se bure akhlaq ki jade ukhade aur unki jagah bahatar akhlaq paida kare chunache huzoor nabi e Rehmat, Sahibe Lolak ka farmane aalishan bhi hai ki, ” mujhe akhlaq ki takmeel ke liye bheja gaya hai.”

jo log har wakat gal fulaye muh latkaye aur peshani par bal dale huye har aadami se bad akhlaqi ke sath pesh aate hai wo bahut hi buri khaslat ke hasil hote hai aur wo duniya aur aakhirat ki sa-adato aur khush naseebo se mahroom hai jabki khushi ka ijhar karte huye aur muskarate huye logo se milna julna bahut badi sa-adat aur khush naseebi aur sawab ka kam hai.

Bad akhlaqi me karahiyat aur khush akhlaqi me hasan hi hasan hai lihaja har islami bhai ko chahiye ke apne ghar walo, rishte daro aur padosiyo balki har milne julne wale ke sath khush akhlaqi ke sath pesh aaye.

Gharo me Aik madani mahol na hone ki aik vajah

Afsos ! aaj kal ham me se aksar ke gharo me madani mahol bilkul nhi hai usme kafi had tak hamara apna bhi kusoor hai, ghar walo ke sath hamare be intiha be takalluf, hasi majak, tu tadak aur bad akhlaqi wagaira uske asbab me, aal logo ke sath to tum ham intihai ajiji aur miskeen se pesh aate hai magar ghar me shaire babbar ki tarah ki tarah dahadte hai.

agar hamne apne akhlaq na suware, ghar walo ke sath ajiji aur khunda peshani ka mujahira karke unki islah ki koshish na farmayi to kahe jahannum me na ja padhe.