Jikre Khuda ke Fazail

dosto aaj ke is post me ham janenge ki jikre khuda ke kya kya fazail hote hai to chaliye jante hai, sabse pehle aapko ye bata de ki allah paak ke mahboob ne irshad farmaya tha ki jab allah pak ki khatir aapas me muhabbat rakhne wale jab baham mile aur musafah kare aur nabi e rasool e akdas par durood shareef bheje to inke juda hone se pehle dono ke agle pichhale gunah bakhsh diye jate hai.

Naseehat

pyare pyare islami bhaiyo subah aur sham balke har ghadi jikre ilahi paak me apne aap ko mashgool rakhna dunya aur aakhirat me hamare liye bahut bade ajar ka mojab hai iske liye agar ham thodi si tavajjo de aur apne tamam maslan khana khilane, peene pilane, rakhne uthane, dhone pakane, firane firane, chalne chalane, uthane uthaane, batti jalane, pankha chalane, dastar khan bichane, dukhan kholne, tala kholne lagane, tail dalne ittar lagane, bayan karne, naat shareef sunane, imama sajane, darvaje kholne band farmane aur,

har ek jaiz kaam ki ibtada allah paak ke nam se kare to yakeenan insha allah in tamam mokoh par hame jikre khuda ki fajilat hasil hogi aur majeed achhi achii niyate bhi kar kar le to ye tamam umoor hamare liye baise sawab honge.

aapko ye bhi bata de ki quran e mazeed me hame subah aur sham allah paak ka jikr karne ki targeeb dilai gayi hai chunache irshad e baari taala jiske mayne ye hai ki, ” aur subah aur sham ki paaki bolo” ab hazrate allama Molana Sayyed Muhammad Naeemuddeen Muradabadi is aayte mubarak ke tahat tahreer farmate hai, ” kyoki subah aur sham ke aukaat malayeka rojo shab ke jama hone ke wakt aur ye bhi kaha gaya hai ke atraafe leel aur nahar ka jikr karne se jikr ki muravamat ki tarah ishara farmayega”

Din ki Ibtida

dosto aapko bata de ki sarkare madeena karare kalbo seena Huzoor Nabi e Rehmat irshad famate hai ki, ” jis ne din ki ibtida kisi achhe amal se ki aur apne din ko achhe amal hi par khatam kiya to allah paak apne firishto se farmayega, is dauran mai hone wale is bande ke gunah mat likho”

Zannat ki Zamanat

dosto aapko bata de ki hazrate sayyiduna Abu Muneejir farmate hai ki, ” maine noor ke paikar huzoor nabiye rehmat ko farmate suna hai ki, ” jo subah ke wakt ye padhe jiska mayena ye hai ki, ” mai allah paak ke rab hone aur islam ke deen hone aur hazrat muhammad nabir e rahmat ke nabi hone par raji hoon” to mai uska hath pakad kar zannat me dakhil karne ki zamanat deta hoon”

Afjal Amal Kaun sa hai

dosto aapko bata de ki hazrate sayyiduna Abu Huraira farmate hai ki, ” Nabi e Mukarrarm Rasoole Akram ne irshad farmaya, ” jis ne subah aur sham 100-100 martaba ye padha subhanallahi wabi hamdihi to kiyamat ke din usse afjal amal le kar aane wala koi na hoga sivaye ke jo uski misl kahe ya usse ziyada padhe.

Jo Bhalai Mange ata ki jaye

Hazrate Sayyiduna Abu Umama bahili farmate hai ki maine huzoor e pak, huzoor nabie ramat ko farmate suna hai ki, ” jo ba vudu apne bistar par aaye fir allah paak ka jikr kar kare yaha tak ke us par gunoodgi chhajaye to raat ki jis ghadi me wo allah paak se duniya aur aakhirat ki jo bhalai mangega allah paak use wo bhalai ata farmayega.”

Zannat me Dakhila

dosto aapko bata de ki hazrate sayyiduna Abu Huraira ne farmaya ke Rasoole Akram ne irshad farmaya ki. ” allah paak ke ninnayanve namme jo in mubarak namo ko gin-gin kar ikhlas ke sath padhata hai wo zannat me dakhil hoga.”

Roje Kyamat Buland Rutbe Wale

dosto aapko bata de ki hazrate sayyiduna Abu Saeed se rivayat hai ke allah paak ke pyare habeeb ki bargahe be kas panah me kisi ne arj kiya, sab me afjal aur roje kiyamat sabse buland rutba allah paak ki bargahe me kiska hoga? to huzoor ne irshad farmaya, ” wo bande aur bandiya jo bahut ziyada allah paak ka jirk karne wale hai” to aik sahabi ne arj kiya kya ye log allah paak ki rah me jihad karne wale se bhi afjal hai,

fir aap huzoor nabi e rehmat ne irshad farmaya, ” agar koi mujahid kuffar aur mushrikeen ko apni talwar se yaha tak marta rahe ke talwar toot jaye aur wo mujahid khoon me lat pat ho jaye fir bhi allah paak ka jikr karne wala darje me is mujahid se afjal hi hoga.”

60 Saal ki ibadat se bahtar

dosto aapko bata de ki agar kuchh padhne ke bajaye khamosh rahne ko ji chahe to is me bhi sawab kamane ki soorate hai aur wo ye ke ulte seedhe khyalat me padhne ke bajaye aadami yaade khuda aur yad e habeeb e khuda me gum ho jaye ya fir ilme deen me gaur tafakkur shuru karde maut ke chhatko, kabr ki tanhai, uski vahshato aur mahshar ki holnaiyo ki soch me dhoob jaye to is tarah bhi wakt jaya nhi hoga balki,

aik aik sans insha allah ibadat me shumar hoga, chunache jamia sageer mai hai, sarkare madeena ka farman hai ki, ” ghadi bhar ke liye gauro fikr karna 60 saal ki ibadat se bahtar hai.

Pyare Pyare islami bhaiyo jikre khuda ki aadat banane aur har ghadi apni juban ko jikre khuda se tar rakhne ke liye tableego kuran aur sunnat ki aalam geer gair siyasi tehreer dawate islami ke madni mahol se har dam wa basta rahiye, sunnato ki tarbiyat ke liye aashikane rasool ke sath sunnato bharo safar kijjiye aur kamiyab jindagi guzarne ke liye aur aakhirat suwarne ke liye madani inamat ke mutabik amal karke rojana fikre madeena ke jariye risala bhariye.

dosto ye post mene dawat e islami india ki naik banne aur naik banane wali kitab se likha hai agar aapko isme koi bhi galati lage to mujhe jarur bataiye taki meri islah ho sake.