Naiki ki Dawat part 3

Teen Madani Feese

Hazrate Sayyiduna khatim Asam ko aik ameer shakhs ne dawate ta-am di, aap ne inkar farmaya diya lekin wo shakhs na mana jab uska israr padha to ne farmaya, ” Agar tu meri ye 3 sharte mane to mai insha allah aaunga.

1. Mai jaha chahunga baithunga.
2. jo chahunga khaunga.
3. jo kahunga wo tumhe karna padega.

Us maldar ne wo teeno sharte manjur kar li, waliyullah ki jiyarat ke liye bahut sare log jama ho gaye, pur takalluf ta-am ka ehtimam tha, wakte mukarrar hazrat bhi tashreef le aaye aur aate hi jaha jute padhe the wahi tashreef farma ho gaye.

chunki shart thi, ” jaha chahunga baithunga.” lihaja maijban ne kuchh na kaha, kuchh der baad khana shuru hua, logo ne murgi musallam par hath saaf karne shuru kar diye lekin waliyullah ne apni choli me hath dal kar sookhi sukhi roti ka tukda nikala aur tanawul farmane lage,

jab ta-am ka silsila khatam hua to aap ne maijban se farmaya, Aungithi yani chulha lao aur us par tawa rakho hukm ki tameel huyi, jab aag ki tapish se tawa surkh angara ban gaya to aap nange pao us par khade ho gaye, logo ki aankhe hairat ke bare fati ki fati rah gayi, aap ne farmaya,

” maine aaj ke khane me sukhi roti khayi hai.” ye farma kar tawe se neeche utar aaye aur hazireen se farmaya, ” ab aap hazrat is tawe par khade hokar jo kuchh khaya hai uska bari bari hisab dijiye. Yakbar kai logo ki cheekhe nikal gayi. bayak juwan se bol uthe,

” Ya Sayyidi Aap to Wali yullah hai aur ye aap ki karamat hai, kaha ye garam garam tawa aur kaha hamare najuk kadam ! ham to gunhagar, duniyadar log hai.”

aap ne farmaya, ” aye logo ! us wakt ko yaad karo jab suraj sirf aik meel door hoga, aaz suraj hamse karodo meel door hai. is wakt suraj ka pichhala rukh hamari taraf hai jabke us wakt uska agla rukh hamari janib hoga, jameen aag ki hogi, us aag ki jameen par gaur karo aur is garam tawe ke bare me socho !

ye tawa jo duniyavi aag me garam hua hai iski tapish khuda ki kasam us aag ki jameen ke mukabile me kuchh bhi nhi, is aag ki jameen par tumhe khada hona padega, farmane bare taala hai jiska mayena hai ki,

“fir beshak jarur us din tum se nemato se pursish hogi jab tum aaj is dunyavi tawe par khade hokar sirf aik wakt khane ka hisab nhi de sakte to kal baroje kiyamat tum me konsi karamat paida ho jayegi ke aag ki jameen par khade hokar jindagi bhar ki nemato ka hisab chukauge.”

ye rikkat angej bayan sun kar log dhariya mar mar kar rone aur gunaho se toba karne lage.

Hidayat aur Seekh

Pyare Pyare islami bhaiyo kisi ko naiki ki dawat dena yakinan hamare liye duniya aur aakhirat ki dhero bhalaiyo ke husool ka bahatreen jariya hai jesa ke sarware aalam huzoor nabi e rehmat ne irshad farmaya, ” allah paak ke jikr aur naiki ki dawat ke siva bani aadam ke har kalam ke bare me uski pursish ki jayegi.”

Naiki ki Dawat Duniya Sadka hai

Hazrate Sayyiduna Abujar farmate hai ke huzoor Nabi e Rehmat irshad farmate hai ki sahabi me kuchh logo ne arj kiya , Ya Rasulullah ! Maldar log ujar le gaye halanki wo bhi hamari tarah namaje padhte hai aur hamari tarah roje rakhte hai.”

aap huzoor nabi e Rehmat ne Irshad farmaya, ” kya allah paak ne tumhare liye koi esi cheej nhi banai jo tum sadka kar sako ? beshak har tasbeeh sadka hai aur har gij takbeer sadka hai aur har tahmeed sadka hai aur amr bin maroof yani ki naiki ki dawat dena sadka hai aur nah nil munkar yani burai se mana karna sadka hai.”

Naik logo ke Halakat ki Vajah

Allah paak ne hazrate Sayyiduna Yushu bin Noon par wahi bheji ke aap ki kaum ke aik lakh aadami ajab se halak kiye jayenge jin mai chalees hajar naik log hai aur sath hazar bad amal. aap ne arj ki, ya rabe paak bad kirdaro ki halakat ki vajah to jahir hai lekin naik logo ko kyu halak kiya ja raha hai ?

irshad farmaya.” ye naik log bhi in bad kirdaro ke sath khate aur peete the meri na-farmaniyan aur gunah dekh kar bhi in ke chehro par na gawari ka asar tak na aata.”

Kya ham Na Gawari Mahsoos karte hai ?

Pyare Pyare Islami bhaiyo apne jameer se suwal kijiye ke kisi ko gunah karta dekh kar kitni na gawari mahsoos ki, bachho ki ammi khana pakane me takheer karde, khane me namak tej ho jaye, baita school se chhutti se karle to na gawar gujregi lekin ghar walo ki rojana pancho namaje kaza ho rahi ho to hamare mathe par bal na aaye, ham unhe samjhane ki koi koshish na kare, aap hi kahiye kya ye rosh durust hai. “

Malik bin Deenar ki Fikr Mandi

Hazrate Sayyiduna Malik bin Deenar farmate hai ki, ” hamne duniya ki muhabbat par aapis me sulah karli pas ham aapis me naiki ki dawat nhi dete aur na aik dusare ko buraiyo se mana karta hai, allah paak hame is ham me na rakhe warna na jane ham par kaun sa ajab najil kiya jaye.”

Naseeyat

Pyare Pyare Isami bhaiyo hame apna jahan banana chahiye ke mujhe apni aur sari duniya ke logo ki islah karne ki koshish karni hai.” sabse pehle ham apni islah kare or iske liye sabse bahatreen tarika ye hai ki naik aamal ko bharna shuru kare jab maheena pura ho jaye to usko apne jimmedar ke paas jama kara de, is tarike se aap apni islah kar sakte ho,

ab raha ki duniya bhar ke logo ki islah kaise kare to iske liye aapko madani kafilo me safar karna chahiye kyoki duniya bhar ke logo ki islah karne ke liye aapko jana bhi hoga or madani kafile se bahatar koi aur jagah nhi jaha se aap koshish kar sakte ho isse bahtar.

Kabar ki Roshani

Hazrate Sayyiduna Allama Julaluddeen Sayituni Shafai Sharhu- Sudoor me nakal karte hai, ” allah paak ne hazrate Sayyiduna Moosa Kalimullah ki taraf wahi farmayi,” bhalai ki bate khud bhi seekho aur dusro ko bhi sikhao mai bhalai seekhne aur sikhane walo ki kabaro ko roshan farmaunga taki unko kisi kisim ki wahshat na ho.”

dosto ye post hamne naik banne aur banane ke tarike urdu kitab se dekh kar likha hai agar aapko koi galati lage to mujhe email karke jarur bataiyega taki meri islah ho sake.