Nawafil ki Ahmiyat hindi me

dosto aaj ke is post me ham hadeeso se ye janenge ki aakhir nawafil ki ahmiyat itni hai to chaliye start karte hai aapko bata de ki hazrate Sayyiduna Abu huraira se marvi hai ki huzoor aqdas tamam nabiyo ke sardar Hazrat Muhammad Mustafa ne irshad farmaya, allah paak ne irshad farmaya, ” mera banda zin cheejo ke jariye meri kurbat chahta hai un me sab se ziyada faraiz mujhe mahboob hai aur nawafil ke jariye banda mere kareeb hota rahta hai yaha tak ke mai usko mahboob bana leta hoon.

dosto is rivayat ke tahat mufti hakeem ul ummat mufti ahmed yaar khan tehareer karte hai, ” yani ki musalman farz ibadat ke sath nawafil bhi ada karta rahta hai hatta ki wo mera pyara ho jata hai kyuki wo faraiz aur nawafil ka zamia hota hai, iska matlab ye nhi ke faraiz chhod kar nawafil ada kare.

Taheeyatul Masjid

aapko bata de ki hazrate sayyudina abu katadah se rivayat hai ki huzoor aqdas Noore Khuda irshad farmate hai, ” jo shakhs masjid me dakhil hua bethne se pehle do rakat padhle”

jo shakhs masjid me aaye use do rakat namaz padhna sunnat hai balke bahtar ye hai ki char padhe agar ese wakt me masjid aaya jis me nawafil namaz makrooh hai maslan baad tulooh fazar, ya baad namaze asar to wo taheeyatul masjid na padhe balke balki tasbeeh or tehleelaur durood shareef me mashgool ho taki haqe masjid ada ho jaye

Taheeyatul Vudu

dosto aapko bata de ki nabi e kareem raufur raheem Hazrate Muhammad Mustafa irshad farmate hai, ” jo shakhs vudu kare aur achha vudu kare aur jahir aur batin ke sath matavajjo hokar do rakat padhe uske liye jannat vajib ho jati hai.”

vudu ke baad aaja khushk hone se pehle do rakat namaz padhna mustahab hai, gusul ke bad bhi do rakat namaj mustahab hai, vudu ke baa farz wagaira padhe to kayam makam taheeyatul vudu ke ho jayenge.

Namaje Ishrak

dosto aapko bata de ki hazrate sayyiduna anas se rivayat hai ke sarkare madeena, Hazrate Muhammade Mustafa irshad farmate hai ki, ” jo fazar ki namaz jamat se padh kar baitha jikre khuda karta raha, yaha tak ke ke aaftab buland ho gaya fir do rakate padhee to use poore haz aur umare ka sawab milega.

Namaje Chasht

ab baat karte hai ki namaje chasht ke baare me to aapko bata de ki hadeese paak me hai ki, ” jisne chasht ki barah rakate padhi allah paak uske liye jannat me sone ka mahal banayega.”

Har jod ke badle Sadka

dosto aapko bata de ki hazrate Sayyiduna Abu Jar se rivayat hai ke nabi e kareem Noore khuda irshad farmate hai, ” aadamipar uske har jod ke badle sadka hai har tasbeeh sadka hai aur hamd sadka hai aur achhi baat ka huqm dena sadka hai aur buri baat se mana karna bhi ek sadka hai aur in sab ke liye do rakate chasht ki kifayat karti hai.